સિંહાસન | દાદાજીની વાતો - ઝવેરચંદ મેઘાણી | SINHASAN | ZAVERCHAND MEGHANI...









ધારા નગરીને માથે પરદુ:ખભંજન રાજા ભોજનાં રાજ ચાલે છે. ભેરવોનાં માથાં ભાંગે એવો ચોગરદમ ફરતો ગઢ છે. ચાર દીશાએ ચાર દરવાજા : ચોરાશી બજાર : ચોપન ચૌટાં : લખપતીઓની હવેલીઓનાં ઈંડાં આભમાં અડે છે. ચારે પહોર ચોઘડીયાં વાગે છે. સાંજરે મશાલો થાય છે. અને ઉજેણીમાં તો કોઈ દુ:ખીયું ન જડે.
એક સમે રાજા ભોજે આજ્ઞા કરી કે "બધસાગરા, આપણે અલક મલક તો જોયો, પણ હવે મારે ઓતરાખંડ જોવો છે."
"ખમા ઉજેણીના ધણીને જેવી મહારાજની મરજી!" એટલું બોલીને બધસાગરે બે પાણીપંથા ઘોડાને માથે પીતળિયાં પલાણ માંડ્યાં. હથીયાર પડીયાર બાંધીને રાજા-પ્રધાન હાલી નીકળ્યા. હાલતાં હાલતાં ઉજેણીના સીમાડા વળોટવા જાય છે ત્યાં આઘેથી એક કઠિયારે સાદ દીધો કે "એ ભાઈ, મારે માથે ભારો ચડાવશો?"
"બધસાગરા! કોઈક દુખીયારો ડોસો : માથે ભારો ચડી શકતો નથી. હાલો એને મદદ કરીએ."
એમ બોલી રાજા પાસે ગયા. જુએ ત્યાં છાંટો ય લોહી ગોત્યું ન જડે એવો બ્રાહ્મણ : અસલ હાડપીંજર જોઈ લ્યો! મોઢે માખીઓ બણબણે છે. નાકે લીંટ જાય છે. ખભે વરતડીના કટકા જેવી જનોઈ ધબેડી છે. એવા બ્રાહ્મણને જોઈને રાજા બોલ્યા :
"અરે હે ગોર દેવતા! આવી દશા?"
"ખમા બાણું લાખ માળવાના ધણી! છું તો બ્રાહ્મણ, પણ આ તારી ઉજેણીમાં




નવાનગરને નમો! નમો!

શેરીએ શેરીએ ભમો ભમો!

કોઈ કે'નૈ કે જમો જમો!
- એવા હાલ છે. ઘરની ગોરાણી ગાળ્યું દ‌ઈને ભળકડે તાંબડી પકડાવી લોટે ધકેલતી. દીવા ટાણે પાછો વળતો. પણ ઘરે કળશી એક છોકરાં કીયાંવીયાં કરતાં મને પીંખી નાખતાં : બે રોટલાનોયે લોટ નહોતો થતો."
"અરે ધિક્કાર! ધિક્કાર! ધિક્કાર! બ્રાહ્મણનો દીકરો : ખભે જનોઈ પડી છે, તોયે લાકડાં વાઢવાં પડે! બીચારો વેદ-ભાગવત ક્યારે વાંચે? સંધ્યા-પૂજા ક્યારે કરે? લ્યો મહારાજ! સવા લાખ રૂપિયાની આ ચીઠ્ઠી. અમારે ખજાનેથી લ‌ઈ આવજો; કહો સ્વસ્તિ."
"સ્વસમ્! હે રાજા, સ્વસમ્‌!"
"મહારાજ, અરધી સ્વસ્તી કાં કહી?"
"હે રાજા, સવા લાખ રૂપિયા તો કોઈક અડબોત મારીને આચંકી જાશે. તે ટાણે તમને ક્યાં ગોતવા આવું? જમીનનો એક કટકો આપો તો મજૂરી કરીને ગદર્યે જાશું."
ત્યાં એક વાડી હતી. ત્રાંબાનું પતરું મંગાવી ત્યાં ને ત્યાં પેઢી દર પેઢીના દસ્તાવેજ લખી આપ્યા. ન પાળે તેને માથે ચાર હત્યા લખી. બ્રાહ્મણનાં દળદર દરીયાને સામે કાંઠે નાખી દીધાં. કડડડ! ધૂબ! ભારો ભોંય પર નાખીને 'સ્વસ્તિ! હે રાજા, સાત સાત સ્વસ્તિ!" કહેતો બ્રાહ્મણ ચાલ્યો ગયો.
ડણણણ....ણ કરતાં ઘોડાં હાંકતા રાજા અને બધસાગરો હાલી નીકળ્યા. મુલક પછી મુલક જોવા મંડ્યા. જ્યાં હાથીને ગળી જાય એવાં મોટાં ગરજાં થાય છે : જ્યાં સૂરજ સામી હાંડલી ધરતાં જ ફસ ફસ કરતાં ધાન ચડી જાય છે : જ્યાં માનવીની કાયા ઉપર રીંછડાંના જેવા વાળ ઊગે છે : જ્યાં નર અને નારી બેયનાં શરીર જોડેલાં જ અવતરે છે : જ્યાં ઢોલને ઢમકે પાણી નીકળે છે : એવી એવી ભાતભાતની ભોમકામાં દેશાટન કરીને બરાબર વરસ દિવસે રાજા ને પ્રધાન પાછા ઘર દીમના વહેતા થયા.
ચોમાસું ઊતરીને આસો મહીનો બેઠો છે. કેડાને કાંઠે એક ખેતર ઊભું છે. માંહી અસવાર સોતાં ઘોડાં પણ ગેબ થ‌ઈ જાય એવા લીલુડા મોલ ઝોલે ચડ્યા છે, અને ઊભા ડૂંડાં ફાકી જાય એવો બાજરો લચકી પડ્યો છે. ખેતરની વચાળે મેડો છે અને મેડા ઉપર એક આદમી ઊભો ઊભો હાથમાં ગોફણ લ‌ઈને 'હો! હો!' કરતો વૈયાં ઉડાડે છે. એ જોઈને રાજાએ પૂછ્યું: "અરે હે બધસાગરા, આવું ખેતર કોનું? પોર તો આંહીં બોરડીનાં ઝાળાં ઊભાં'તાં ને!"
"મહારાજ! આ ખેતર તો ઓલ્યા બામણને કૃષ્ણાર્પણ કર્યું હતું તે."
ત્યાં તો 'ઊભા રહેજો! એ મહારાજ! ઊભા રહેજો! જાય એને બ્રહ્મહત્યા! ગૌહત્યા! ચાર હત્યા!' એવા સાદ પાડીને મેડે ઊભેલો માટી બોલાવવા મંડ્યો. જ‌ઈને જુએ ત્યાં તો વરતડીના કટકા જેવી જનોઈ ધબેડી છે, ધડાકામાન તુંબડું કાખમાં રહી ગયું છે, હાથમાં જતરડો છે, અને હો! હો! કરીને વૈયાં હોકારતો બામણ ઊભો છે. દોડીને બામણ બોલ્યો કે "હે મહારાજ,પાંચ ડૂંડાં પોંકનાં લેતા જાવ."
રાજા કહે: "ગોર! અમારે તો દીધાં દાન રુધીર જેવાં."
"તો હું કપાળી કરું. માથું ફોડું."
બધસાગરો કહે: "મહારાજ, આપણે સપાઈ સપરાને આપી દેશું. પણ બામણનું વેણ રાખો."
મેડેથી ઊતરીને બામણ ખેતરમાં જાય છે. એક હાથમાં દાતરડું રાખીને બીજે હાથે એક ડૂંડું ઝાલી માથું હલાવે છે. મનમાં વીચાર કરે છે કે 'ઓહોહોહો! આ ડૂંડું તો સારા ખેતરનું સરદાર! આના ઉપર દાતરડું શે હાલે!'
બીજું ડૂંડું હાથમાં લીધું. માથું હલાવી મનમાં બોલ્યો: 'ઓહોહોહો! આ તો ઓલ્યા ડૂંડાનું જ ભાઈ! વાઢતાં જીવ શે હાલે!'
રાજા પાસે આવીને બામણે માથું ખંજવાળતાં ખંજવાળતાં કહ્યું : "મહારાજ! આણીકોર લોંઠિયાં લાણી ગ્યાં, ઢોર ખાઇ ગ્યાં, બગલાં ચણી ગ્યાં! તમને અલાય એવું એકેય એવું એકેય ડૂંડું હાથ આવતું નથી."
મોઢું મલકાવીને રાજા પ્રધાન ચાલતા થયા. વળી પાછો બામણ મેડે ચડ્યો. અને મેડે ચડતાં વાર જ એણે હાકલા માંડ્યા કે 'પાછા વળો મહારાજ! પાછા વળો, ચાર હત્યા છે તમને. પોંક લેતા જાઓ.'
વળી પાછા રાજા બામણની પાસે આવ્યા એટલે બામણ કહે: "મહારાજ ઊભા રો.' આથમણી દશ્યે ડૂંડાં ઊભા છે એમાંથી વાઢી દ‌ઉં."
એમ કહીને બામણે દાતરડું ઝાલ્યું. આથમણી બાજુએ ડૂંડાં વાઢવા ઊતર્યો. એક પછી એક ડૂંડું હલાવીને નિસાસો નાખ્યો કે,'ઓહોહો! આ તો સારા ખેતરનું સરદાર ડૂંડું! આ વળી એનું જ ભાઈ! શે વઢાય?'
આવીને વળી પાછો ગરીબડો થ‌ઈ બોલવા મંડ્યો: "મહારાજ! ઈ પડખેય લોંઠિયાં લણી ગ્યાં, ઢોર ચરી ગ્યાં, તમને અલાય એવું એકેય ડૂંડું જ ન મળે, બાપજી!"
મોં મલકાવીને રાજા ભોજ હાલી નીકળ્યા, ત્યાં તો મેડે ચડીને બામણ બૂમ પાડે છે કે "પાછા વળો, લેતા જાઓ, ચાર હત્યાનાં પાપ!"
રાજા પૂછે કે "અરે બધસાગરા! આ તે શી સમસ્યા! બામણ મેડે ચડે છે ત્યાં સમદરપેટો બની જાય છે અને હેઠે ઊતરે છે ત્યાં જીવ વાઘરીવાડે વહ્યો જાય છે : એ વાતનો કાંઈ મરમ જાણ્યો?"
"મહારાજ! એ તો જગ્યા-બદલો!" હસીને બધસાગરે જવાબ વાળ્યો.
" એટલે શું?"
હે રાજાજી, એ તો જગ્યા જગ્યાના પ્રભાવ સમજવા. જે ઠેકાણે બામણનો મેડો ઊભો છે, તે ઠેકાણે ધરતીમાં નક્કી માયા દાટેલી પડી હશે. અને કાં કોઈ મહાદાનેશ્વરી રાજાનું થાનક હશે, એટલે મેડે ચડતાં જ બામણનું મન મોટા રાજેશ્વર જેવું બની જાય છે, પણ નીચે ઊતરે છે ત્યાં પાછો બામણનો બામણ થાય છે."
"અને તમારું ભાખ્યું ખોટું પડે તો?"
"તો તમારી તરવાર ને મારું ડોકું."
બામણના મેડા તળેની ધરતી રાજા ભોજે ખોદાવી. ખોદે, ત્યાં તો ઠણીંગ કરતો કોદાળીનો ઘા રણકારો કરી ઊઠ્યો. બીજે ઘાએ ત્રીકમનું પાનું કોઈક કડામાં પરોવાઈ ગયું હોય એમ લાગ્યું. ચોગરદમથી ખોદે ત્યાં તો એક-બે-ત્રણ-ચાર એમ સાત ચરુ માયાના નીકળ્યા. અને તેની નીચે ખોદે ત્યાં તો જ...અ...બરું એક સિંહાસન!
સાતેય ચરુની માયા રાજા ભોજે ગરીબગુરબાંને વહેંચી દીધી, ઢોરને રોટલા નીર્યા, અને સિંહાસનને સાફસૂફ કરાવી પોતાના દરબારમાં મેલાવ્યું ત્યાં તો ઝળળળ તેજનાં પ્રતીબિંબ પડી ગયાં. ચારે ભીંતો ઉપર હીરા- માણેક-મોતીના રંગ ચીતરાઈ ગયા. સીહાસનફરતી બત્રીસ પૂતળીઓ ઝગમગી ઊઠી.
"આવા દેવતાઈ સીહાસનઉપર તો અમે જ બેસશું." એમ કહીને જે ઘડીએ રાજા ભોજે સિંહાસનના પે'લા પગથીયા ઉપર પોતાનો પગ મેલ્યો તે જ ઘડીએ 'મા! હે રાજા ભોજ! મા!' એવા ગેબી અવાજો સંભળાણા અને ઝણણણ એવા ઝણકારા કરતી બત્રીસેય પૂતળીઓએ પોતાના રૂમઝૂમતા હાથ ઊંચા કર્યાં.
'અરે! આ સીહાસનને અમે ખોદીને બહાર કાઢ્યાં. સાફસૂફ કર્યાં, શણગાર્યા, અને આજ માંહીથી આ માકારા કોણ કરે છે.'
ઝણણણ કરતી બત્રીસેય પૂતળીઓ નાચવા મંડી. બત્રીસેયના હોઠ ખડ! ખડ! ખડ! હસી પડ્યા.
"હે પૂતળીઓ, તમે કોણ છો? કેમ હસો છો? આ બધો શો ભેદ છે? બોલો," ઝબકીને રાજા ભોજ સીહાસનસામો થંભી ગયો, એટલે એ વખતે -
પહેલી પૂતળી બે હાથ જોડીને ઊભી રહી. એને વાચા આવી. માનવીની વાણી કાઢીને એણે જવાબ દીધો: "હે રાજા ભોજ! અમે બત્રીસેય જણી તારા વડવા રાજા વીર વીક્રમની રાણીઓ હતી. આ સીહાસનઅમારા સ્વામીનાથનું છે. માટે હે બાપ! જો વીક્રમનાં જેવાં કામ કર્યાં હોય તો જ બેસજે; નીકર તું તપીશ નહી."
"હે માતા! વીક્રમ રાજાનાં કામાં કેવાં હતાં! હું તો જાણતો નથી."
"સાંભળ બાપ! વીક્રમે તો વીધાતાના લેખમાંયે મેખ મારી હતી." એમ કહીને પહેલી પૂતળીએ વાર્તા માંડી.

છપ્પઈ | અથ શ્રી દેવીયાણ | CHHAPAI | ATH SHREE DEVIYAAN |JEETU DAAD GADHV...

અથ શ્રી દેવીયાણ | ATH SHREE DEVIYAAN | JEETU DAAD GADHVI Mahatma Ishardasji

હરિરસ | દુહા 6 રાગ ભૈરવી | Hariras | Jeetu Daad Gadhvi | Mahatma Ishard...

હરિરસ | છપ્પય ૨૦ ,રાગબાગેશ્રી | Hariras | Jeetu Daad Gadhvi | Mahatma I...

હરિરસ | છંદ મોતીદામ ૧૮૭ થી ૨૦૫ ,રાગમિશ્ર પહાડી | Hariras | Jeetu Daad Ga...

હરિરસ | છંદ મોતીદામ ૧૫૧ થી ૧૮૬ ,રાગ દેશ | Hariras | Jeetu Daad Gadhvi | ...

હરિરસ | છંદ મોતીદામ૯૯ થી ૧૫૦ ,રાગ ભીમપલાસી | Hariras | Jeetu Daad Gadhvi

હરિરસ | છંદ મોતીદામ ૫૧ થી ૯૮,રાગ શિવરંજની | Hariras | Jeetu Daad Gadhvi

હરિરસ | છંદ મોતીદામ ૧ થી ૫૦,રાગ બિહાગ લોકસંગીત | Hariras | Jeetu Daad Ga...

હરિરસ | વિણ અપરાધ | દોહા ૩૦ રાગ મીશ્ર પૂર્વી | Hariras | Jeetu Daad Gadhvi

હરિરસ | છંદ બિયાખરી ૩૦ રાગ દરબારી | Hariras | Mahatma Isardasji | Jeetu ...

ગંગાસતી ભજન | સરળ ચિત્ત રાખી ને | નારાયણસ્વામી | GANGASATI | SARAL CHITT...





સરળ ચિત્ત રાખીને નિર્મળ રહેવું

ને આણવું નહીં અંતરમાં અભિમાન રે,

પ્રાણી માત્રમાં સમદૃષ્ટિ રાખવી

ને અભ્યાસે જીતવો અપાન રે .... સરળ ચિત્ત રાખી


રજ કર્મથી સદા દૂર રહેવું

ને કાયમ કરવો અભ્યાસ રે,

પાંચેય પ્રાણને એક ઘરે લાવવાં

ને શીખવો વચનનો વિશ્વાસ રે .... સરળ ચિત્ત રાખી


ડાબી ઇંગલા ને જમણી પિંગલા

ને રાખવું સ્વરભેદમાં ધ્યાન રે,

સૂર્યમાં ખાવું ને ચંદ્રમાં જળ પીવું

ને કાયમ રહેવું વ્રતમાન રે .... સરળ ચિત્ત રાખી


નાડી શુદ્ધ થયાં પછી અભ્યાસ જાગે

એમ નક્કી જાણવું નિરધાર રે,

ગંગાસતી એમ રે બોલિયા રે

ખેલ છે અગમ અપાર રે .... સરળ ચિત્ત રાખી


ભજન | કિસ દેવતા ને આજ મેરા | નારાયણસ્વામી - લાઈવ | KIS DEVATANAE AAJ MER...





कीस देवता ने आज मेरा,
दिल चुरा लीया.
दुनिया की खबर ना रही,
तन को भुला दिया.
किस देवता ने...
रहता था पास में सदा,
लेकीन छूपा हुआ
करके दया दयाल ने,
पडदा ऊठा लीया.
किस देवता ने...
सुरज वो था न चांद था,
बिजली न थी वहां.
अकदम वो अजब शानका,
जलवा दिखा दिया.
किस देवता ने
फीरके जो आंख खोलकर,
ढुंढन लगा ऊसे,
अंदर में था बाहिर सोइ,
दिलदार पा लीया.
किस देवता ने
करके कसुर माफ मेरे,
जन्म जन्म के,
"ब्रह्मानंद' अपने चरण मे
मुजको लगा लीया.
किस देवता ने...

રમેશ મહેતાનું કોમેડી સર્કસ | Comedy Circus | Ramesh Maheta Funny Video p...

ભજન | રમતો જોગી રે | નારાયણસ્વામી | આઈ શ્રી લીરબાઇ | RAMTO JOGI RE | NA...





રમતો જોગી રે કયાંથી આવ્યો,
આવી મારી નગરીમાં અલખ જગાયો રે,
વેરાગણ હું તો બની.

કાચી કેરી રે આંબા ડાળે,
એની રક્ષા કરે કોયલરાણી રે.

કોરી ગાગર રે ઠંડા પાણી,
એવાં પાણીડાં ભરે નંદ કેરી નારી રે.

કાન મેં કુંડળ રે જટાધારી,
એને નમણું કરે નર ને નારી રે.

બોલ્યાં બોલ્યાં રે લીરબાઈ,
મારા સાધુડાં અમરાપર મ્હાલે રે.

ભજન | જપ લે હરિકા નામ | નારાયણસ્વામી | JAP LE HARI KA NAAM | NARAYANSWAM...





નામ લિયો ઇને સબ પિયો સકલસાસ્ત્ર કો ભેદ

બિનાનામ નર્કે ગયો પઢ પઢ ચરો વેદ

નામ સુ તિરથ નામવ્રત નામ સનંભુ કામ

એક અક્ષર તત્વભર જિવ્હા જપ શ્રી રામ



જપલે હરિ કા નામ મનવા

જપલે હરિ કા નામ.

ઉસકે નામશે બન જાયેંગે

તેરે બીગડે કામ મનવા.

જપલે હરિ કા નામ

જપલે હરિ કા નામ.

★

નામ તો વો ધન હે જો નિરધનકો

ધનવાન બનાદે.

નામ હી નર કો નારાયણ કી એક

પહેશાન કરાદે.

મતલબ એક હે રામ કહે તુ

યા કહદે રહેમાન મનવા

જપલે હરિ કા નામ મનવા

★

સપને કો અપનાહી સમજે રેત

કે મહેલ બનાયે.

પડસાઇ કે પીસે ભાગે હાથ કશું

ના આયે.

નામ કે પેડ કી સાવતલે તુ

કરલે કુસ વિશ્રામ મનવા .

જપલે હરિ કા નામ મનવા

જપલે હરિ કા નામ.!

ભજન | કાયારાણી નો વિલાપ | નારાયણસ્વામી | KAYARANI NO VILAP | NARAYANSWAM...





શાને કરે છે વિલાપ …
સ્વર: નારાયણ સ્વામી …
શાને કરે છે વિલાપ કાયારાણી
શાને કરે છે વિલાપ રે …જી
તારે ને મારે હવે કાંઈ નથી … (૨)
કયા રાણી રે … એમ જીવ રાજા કે’છે ..
શાને કરે છે વિલાપ કાયારાણી
શાને કરે છે, તું વિલાપ રે … જી
તારે ને મારે હવે કાંઈ નથી … (૨)
કાયારાણી રે … એમ જીવ રાજા કે’છે …
ઘણા દિવસનો, ઘરવાસ આપણે
એ .. ઘણા દિવસનો ઘરવાસ રે … જી
મૂકીને ન જાઉં મને એકલી …(૨)
જીવ રાજા રે … એમ કાયારાણી કે’છે …
હે મમતા મૂકી દે, માંયલી
હવે અંતરથી છોડી દે આશ ..
મમતા મૂકી દે માયલી ને
હવે અંતરથી છોડી દે આશ રે …જી
રજા નથી મારા રામની
મને રજા નથી મારા રામની … કાયારાણી રે ..
એમ જીવ રાજા કે’છે …
રજા નથી મારા રામની …(૨)
કાયારાણી રે …
એમ જીવ રાજા કે’છે …
અઘોર વનની માયા જીવ રાજા
અઘોર વનની માયા રે …જી
મૂકી ન જાઉં મને એકલી ..
તમે મૂકી ન જાઉં, મને એકલી … જીવ રાજા રે ..
એમ કાયારાણી કે’છે …
શાને કરે છે વિલાપ કાયારાણી
શાને કરે છે વિલાપ રે
તારે ને મારે હવે કાંઈ નથી …(૨)
કાયારાણી રે …
એમ જીવ રાજા કે’છે …
શાને કરો છો વિલાપ હવે
શાને કરે છે વિલાપ હવે રે
ઓચિંતાના મૂકામ આવ્યા .. (૨)
કાયારાણી રે …એમ જીવ રાજા કે’છે …
એ ક્યારે થશે … (૨) હવે મિલાપ …
જીવ રાજા આપણો ..
ક્યારે થશે મિલાપ રે ..
વચન દઈને સિધાવજો
તમે વચન દઈને સિધાવજો ..
જીવ રાજા રે … એમ કાયારાણી કે’છે રે …
હતી ભાડૂતી વેલ કાયારાણી
હતી ભાડૂતી વેલ રે …
હતી ભાડૂતી, એ આ વેલ, કાયારાણી
હતી ભાડૂતી વેલ રે …
આતો લેણ–દેણના સંબંધ છે
લેણ-દેણના સંબંધ છે, કાયારાણી રે ..
એમ જીવ રાજા કે’છે …
એ.. દૂર નથી, મૂકામ આપણો હવે
દૂર નથી મૂકામ રે …
મને આટલે પહોંચાડી, સિધાવજો …
આટલે પહોંચાડીને સિધાવજો,
જીવ રાજા રે … એમ કાયારાણી કે’છે …
શાને કરે છે વિલાપ, કાયારાણી
શાને કરે છે વિલાપ રે ..
તારે ને મારે હવે કાંઈ નથી …(૨)
કાયારાણી રે … એમ જીવ રાજા કે’છે …
એ .. હવે છેલ્લા રામ રામ કાયારાણી
હવે છેલ્લા રામ રામ રે ..
જાઉં ધણીના દરબારમાં …(૨)
કાયારાણી રે … એમ જીવ રાજા કે’છે …
પુરષોત્તમના સ્વામી શામળા
ભક્તો તણા રખવાળ રે
સાચા સગા છે ઈ સર્વના ..
સાચા સગા છે ઈતો સર્વના ..
કાયારાણી રે … એમ જીવ રાજા કે’છે …
પુરષોત્તમના સ્વામી શામળા
ભક્તો તણા રખવાળ રે
સાચા સગા છે ઈતો સર્વના …(૨)
કાયારાણી રે … એમ જીવ રાજા કે’છે ..
શાને કરે છે વિલાપ, કાયારાણી
શાને કરે વિલાપ રે
તારે ને મારે હવે કાંઈ નથી … (૨)
કાયારાણી રે … એમ જીવ રાજા કે’છે …
એમ જીવ રાજા કે’છે
એમ જીવ રાજા કે’છે

ભજન | નારાયણસ્વામી | સબ તિરથ કરી આઈ તુંબડીયા | Bhajan |SAB TIRATH | NARA...



સબ તીરથ કર આઈ તુંબડીયાં…
સબ તીરથ કર આઈ
ગંગા નાઈ ગોમતિ નાઈ
અડસઠ તીરથ ધાઈ
નિત નિત ઉઠ મંદિરમેં આઈ
તો ભી ન ગઈ કડવાઇ
તુંબડીયાં સબ તીરથ કર આઈ....
સત્ ગુરુ સંકટે નજર ચડી જબ
અપને પાસ મંગાઈ
કાટ-કૂટ કર સાફ બનાઈ
અંદર રાખ મિલાઈ
તુંબડીયાં સબ તીરથ કર આઈ....
રાખ મિલાકર પાક બનાઈ
તબ તો ગઈ કડવાઈ
અર્મૃત જલ ભર લાઈ
સંતન કે મન ભાઈ
તુંબડીયાં સબ તીરથ કર આઈ....
યે બાતા સબ સત્ય સુનાઈ જુઠ્ઠ નહિ હૈ મેરે ભાઈ
દાસ સતાર તુંબડીયાં ફિર તો
કરતી ફીરે ઠકુરાઈ
તુંબડીયાં સબ તીરથ કર આઈ....